Eirion DulynOWENDymuna Nerys a theulu y diweddar Eirion Owen, Glan Conwy ddatgan eu diolch cywiraf am bob arwydd o garedigrwydd a chydymdeimlad a amlygwyd tuag atynt yn eu profedigaeth o golli gŵr, tad, taid, brawd a ffrind da i lawer.
Diolch am y geiriau caredig trwy lythyrau, cardiau, galwadau ffôn ac ymweliadau a fu o gysur mawr i ni fel teulu. Gwerthfawrogwn y gwasanaeth teilwng a theimladwy a gafwyd i ddathlu bywyd Eirion dan ofal y Parchedigion Gerwyn Roberts, Helen Wyn Jones a Nesta Mary Davies, ac hefyd i Ilid Anne Jones am ei chyfraniad arbennig wrth yr organ.
Diolchwn yn fawr iawn am y rhoddion hael a dderbyniwyd er cof tuag at Dementia U K ac Ymddiriedolaeth Gofalwyr Cymru ( Carer's Trust Conwy). Diolch hefyd i Gwmni Pobty Pen Ucha am y lluniaeth arbennig yn dilyn y gwasanaeth. Hoffwn ddiolch i Hefin a staff R.W. Roberts a'i Fab, Abergele am y trefniadau trylwyr cyn ac ar y diwrnod, gwerthfawrogir y cyfan yn fawr iawn.
Keep me informed of updates
